琴晚全民造星播出後，收到好多朋友仔send message鄧我唔抵點解入唔到圍。首先多謝大家嘅厚愛同期望。其實我覺得自己當日表現係真係唔好，係值得被foul。如果作為一個幕前Performer會因為狀態而影響表現，即係幕後既鍛煉仍未足夠，依樣野無得抵賴，係自己既責任。
其次，一刻既比賽成敗係音樂生涯只係好短暫，真正既比賽角力場係比誰更有韌力，跌低後能爬起身再繼續狂跑。跌過好多次，所以我絕對唔會咁廢係依度被打到瞓低🤣。
好多人都問我點解仲要參加比賽。其實好老實，出左道2年要再參加比賽係要鼓起好大好大既勇氣，身上有好多無形既包袱壓住你，好多無形嘅標籤痴住你。加上整天到晚20幾小時十幾部攝錄機對住你，要俾觀眾睇到最真實既你，什至你性格既最差既一面...參加依個比賽，隨時可以再將之前一切成果抹煞。但係，我知道我要重新搵到果團火，尋回對音樂既果團熱血。所以我硬着頭皮參加咗。
有人話「單單享受結果，你並唔係真正喜歡依件事；享受過程享受經歷，才叫做真正喜歡。」
雖然暫時離開左依個舞台，但我仍然會係更多舞台努力。同時我亦會以另外幾個身份，去協助有夢想既樂壇新血，就好似當初有唔少前輩Carry住一樣。希望用自己有限能力，為屬於香港既廣東歌帶來新既聲音。
#新手歌曲監製
#新手MV導演
#新手經理人
#多多賜教🙇🏻♂️
#新人泡泡龍黃咖喱
#王嘉莉
@ke._ly
Search